myanmar poem

tu lai leitung thu thang

Thang Khawm Pauzomi

Tulaai Leiung thuthang tuamtuam updates April 19, 2013

• Japan gam kaalkhat sung avaizin khia Kawlgam Democracy makaaipi Daw Aung San Suu Kyi tuni 4/19/13 nitaak nai 6 pawl in Yangon vanleengtualpi ongtungkikta a mipi atul aza asim in kipaktak in namuakziahziah uhhi.

• Kawlgam sung Mualtungmi thautawi kipawlna liankhat ahi SSPP/SSA saklam te leh kawlgam gaalkaapte kikaapnahang in gaaltaai mipi kibehlaplap a tuniciang mipi 400 bang cingta in phungzi sangkhat ah keemphot uhhi.

• Asawtlo in Kawlgambup kiteelnatawh kisai makaaipawl leh kawlgamsung a om party kheempeuh 2015 ciang a kibawlding kiteelna tawh kisai in bangcihkaalsuanding cihthu kikumding in kimuhkhopnakhat neiding uhhi.

• China gam Communist party te sapna hang in zingciang April 20 ni in Kawlgamsung a mualtung party lian 5 zingding uhhi. Hihkhualzinnasung ah SNDP ( Shan), RNDP( Arakan), MDP ( Mon),NUP ( Mualtungmi kipawl party) leh NDF ( Kawl party) te kihelding uhhi.

• USA gam Boston, Bomb puakkhamsakding a upmawh Russian-American Dzhokar A. Tsarnaev, kum 19, leh Tamerlan Tsarnaev, kum 26,Palik leh Gaalkaap ten saben in beng uh a langnih kikaaptuahnapan a u zaw Tamerlan Tsarnaev, kum 26 thau in khaliam in zatopan si a anaupa taaitaai laai in Palik leh Gaalkaapten bengbeng laai uhhi. Hih unau 2 te I innkuanpihten amau leh amau mawhna pulaak a ki-ap kikding in itnatawh sam ngeungeu uh a a u nau un mizaaidam leh mihoih khangmoi ahi uhhi ci in asangkahpih ngei alawmten genkhia uhhi. Hih unau 2 te peen USA gam onglal ma un Russia gam Caucasus leh Kazakhstan ah teengngei uh a 2002 kumpan USA onglal uh ahihi. HIhte nung ah bangteng om a kuasawl cihthu leimongdong suulzuihding in President Obama leh US Uliante thusim kikupna nasia tak aneihlaaitak uh ahihi.

• USA gam Texas State a Leihoihza bawlna innpi puahkhapna hang in misi luang 12 kimuhbeh a mi 60 bang kimuzonaailo hi ci in thuneite in tuni 4/19/13 in taangkokhia uhhi. Hih misite sung ah kumpi lampan meiphelh mi 6, Emergency maaitaai 4 , Meiphelh mawtaw 3 sia in inn 200 kisia hi ci in meiphelh thuneite in taangkokhia uhhi. Hih meikatnasung ah mibangzah liansi a banghang a hih innpi puakkham , kuate nasepna cihte thuneite in Kansan in kiciantak in kitheitel naailo hi.

• China gam a vasa natna H7N9 lungno hang in cina mi 83 pan tuni 4/19/13 ni in 87 ah khangto a vasa pan mi kilawh bek hilo in mi le mi zong kilawhtheiding mun ah tungta ahihman in leitung ah akizelhkhaakding WHO te lunghimawh mahmah uhhi.

• USA gam in azawhdikdeksa gam uh ahi Iraq gam I khuapi Baghdad a om coffee shop khat ah tuzan in bomb puakkham a mi 27 si in 51 nasiatak in liam uhhi.

Zomtoto ni ee
Laaimal kikhialkha aomleh ngaihdambawm ah maw
Zomipau

lungsim in hih nopnei na pi in ci lehsa leh, nei leh lam in, cin zonglothei hi.

theih huai thu pawl khat

Sian' Sawmpi

Sawt lam pekpek a ka gen theih den khat ahi naupang te a zaw deuh in nungak no te a mau kia kong lak ah, inn kiim khawng ah vak sak loh ding, pusuah sak lo ding khat vei ki phawk kik sak nuam hang. Pasian hehpihna tawh i tuah khak nai loh thu a hih hang, a tuak kha om leng pilna i ngah hang ki sum mahmah ta hi.

Mi pawl khat te in tua naupang te, nungak no te, sam uh a, a hih kei leh a gei ah motor khawl sak in kai uh a tai uh thei uh hi. Sum tawh a ki tan sak kik om in, numei ginalo te' ki zuak na ah a zuak zong om hi. ih kawlgam dan in gamta lo in, i om na munmun dan in thu kan in i gamtat ding, i zuih ding thupi peuh mah ding hi.

Hih a nuai a nu zong den mahmah in News sungah hong suak hi a, Fox Fire Apartment a om hi. Tua pan in Motor tawh a kitai pih (gu) dan hi. Kum 13 pha pan hi. Innkuan sungah ki hilh in, pilna i lak na ding a kong suak sak ahihi. English (Manglai) thei te a ding in a nuai a pen news sung pan hong suah sak uh ahihi. Sani Ni pan a mang ci hi.

Topa' hong kep ding i muan mah bangin ei zong kikep siam in, pil vaang tak in nungta ciat ni.

Topa' thupha,

Deihsak na lianpi tawh,

Sia Khup.

An Amber Alert has been issued for 13-year old Jennifer Escareno.

Tulsa police believe Escareno has been kidnaped by Omar Mares, someone police say she knew from school. She was last seen just after 6pm on Saturday at the Foxfire Apartments at 7406 S. Victor.

Police believe they are in a Red GMC Yukon, 1998, with body damage on the right passenger door. The car tag is 460BNO, it is an Oklahoma tag.

She is thin, 4'8" with long black hair and was last seen wearing blue jeans and a red sweater.

If you see them or have any information call 911.

--
JESUS IS THE ONLY ANSWER FOR LIFE!

Rev. Nang Khen Khup (D.Min)
Far East Mission Church
7809 S. Wheeling Ave #29-P
Tulsa, OK 74136
www.femctulsa.org
nangkhenkhup.wordpress.com